Lög Hugins, félags ungra sjálfstæðismanna í Garðabæ

I. Kafli.

Nafn og tilgangur.

1. gr.

Félagið heitir Huginn og er félag ungra sjálfstæðismanna í Garðabæ. Lögheimili félagsins skal ávallt vera í Garðabæ.

2. gr.

Markmið félagsins er að berjast fyrir frelsi einstaklingsins til orðs og athafna. Félagið berst fyrir markmiði sínu með hagsmuni allra einstaklinga fyrir augum, án tillits til kynþáttar, kynferðis, trúarbragða eða stöðu þeirra að öðru leyti.

3. gr.

Markmiði þessu hyggst félagið ná með því að fylgja Sjálfstæðisflokknum að málum, styðja hann við kosningar og vinna að hugsjónum hans.

II. Kafli

Aðild að félaginu

4. gr.

Garðbæingar á aldrinum 15-35 ára, sem ekki eru félagar í öðrum stjórnmálaflokkum en Sjálfstæðisflokknum, geta sótt um aðild að félaginu.

5. gr.

Umsókn um aðild að félaginu skal innihalda nafn, kennitölu og heimilisfang umsækjanda.

6. gr.

Stjórn félagsins getur vikið úr félaginu einstaklingi sem að hennar áliti brýtur gegn lögum félagsins eða vinnur gegn stefnu þess. Slík ákvörðun þarf atkvæði sjö stjórnarmeðlima. Áfrýja má slíkri ákvörðun stjórnarinnar til miðstjórnar félagsins

III. Kafli.

Stjórn félagsins, miðstjórn og aðalfundur.

7. gr.

Stjórn félagsins, varastjórn og miðstjórn fara með málefni félagsins.

8. gr.

Í stjórn félagsins sitja 9 aðilar að formanni meðtöldum. Í varastjórn félagsins skulu sitja 9 menn.

Varamenn taka sæti á stjórnarfundum í forföllum stjórnarmanna samkvæmt þeirri röð sem þeir eru kosnir á aðalfundi.

9. gr.

Stjórn og varastjórn skal kosin á aðalfundi félagsins til eins árs í senn. Formaður skal kosinn sérstaklega. Kosning til stjórnar fer fram þegar útslit í formannskjöri liggja fyrir. Framboð til stjórnar og formanns skulu hafa borist stjórn félagsins eigi síðar en tveimur sólarhringum fyrir aðalfund. Stjórn félagsins skal auglýsa aðalfund og um leið hvar og hvenær framboðum skal skila, sbr. 16. grein. Kosning til formanns og stjórnar skal vera skrifleg nema hún reynist sjálfkjörin. Séu varamenn sjálfkjörnir í stjórn skulu þeir vera í þeirri röð sem lagt er fyrir á aðalfundi. Ellegar ræður atkvæðafjöldi í varamannakjöri á aðalfundi því í hvaða röð varamenn taka sæti í stjórn.

10. gr.

Nú gengur stjórnarmaður úr stjórninni og tekur þá varamaður sæti hans. Nú gengur formaður úr stjórninni og skal þá varaformaður taka við embætti formanns nema stjórn ákveði að efna til kosningar formanns á almennum félgsfundi. Fundurinn skal auglýstur með sama hægti og aðalfundur, sbr. 9 gr.

11. gr.

Á fyrsta fundi nýkjörinnar stjórnar félagsins skiptir stjórnin með sér verkum. Stjórnin velur sér varaformann, ritara og féhirði. Aðrir stjórnarmeðlimir eru meðstjórnendur.

12. gr.

Formaður boðar til stjórnarfunda og stýrir þeim nema annað sé ákveðið. Stjórnarfundi skal að jafnaði boða með tveggja sólarhringa fyrirvara. Til að stjórnarfundur teljist löglegur þarf a.m.k. meirihluti stjórnarmanna að sitja fundinn. Óski þriðjungur stjórnar eftir stjórnarfundi ber að halda hann innan viku frá því formanni berst slík ósk skriflega.

13. gr.

Innan félagsins skal starfa stjórn, varastjórn og miðstjórn. Stjórn félagsins og varastjórn er sjálfkjörin í miðstjórn. Stjórn félagsins skal skipa til viðbótar a.m.k. 9 félagsmenn í miðstjórn.. Ekkert hámark skal vera á fjölda miðstjórnarmanna. Formaður Hugins er formaður miðstjórnar.

14. gr.

Miðstjórninni er ætlað að vera tengiliður milli stjórnar og einstakra félagsmanna. Stjórn félagsins má leita til meðlima miðstjórnar, ef hún þarf að láta vinna einhver aðakallandi störf í þágu félagsins og hugsjóna þess. Skal stjórnin hafa samráð við miðstjórnina varðandi þau mál sem telja verður að skipti miklu fyrir félagið og stefnu þess.

15. gr.

Stjórnin boða til fundar með miðstjórninni þegar þurfa þykir. Óski helmingur miðstjórnarmanna eftir fundi og sendi um það skriflega ósk til stjórnar félagsins, er henni skylt að verða við slíkri beiðni..

16.gr.

Aðalfund félagsins skal halda árlega og ekki síðar en 1. október og skal boða til hans með minnst viku fyrirvara. Einfaldur meirihluti ræður úrslitum mála og kjöri á aðalfundinum, sbr. þó 20. gr. Verði atkvæði jöfn, ræður hlutkesti. Kosningar skulu vera skriflegar sé þess sérstaklega óskað. Dagskrá aðalfundar skal vera sem hér segir:

1. Skýrsla stjórnar

2. Reikningar félagsins lagðir fram til samþykktar

3. Umræður um skýrslu og reikninga.

4. Lagabreytingar.

5. Umræður og afgreiðsla stjórnmálaályktunar.

6. Kosning formanns

7. Kosning stjórnar og varastjórnar

8. Kosning tveggja skoðunarmanna og eins til vara.

9. Önnur mál.

Aðalfundur getur heimilað breytingar á röð dagskrár.

17. gr.

Almennan félagsfund skal halda ef minnst 50 félagsmenn krefjast þess í bréfi til stjórnar. Almennan félgsfund skal boða með a.m.k viku fyrirvara.

IV. Kafli.

Tekjur, lagabreytingar o.fl.

18. gr.

Árgjald félagsmanna er frjálst.

19. gr.

Reikningsár félagsins miðast við aðalfund.

20. gr.

Lögum þessum má aðeins breyta á aðalfundi og þarf 2/3 atkvæða allra fundarmanna til að breytingin nái fram að ganga.

21. gr.

Tillögur um lagabreytingar skulu hafa borist stjórn félgsins eigi síðar en tveimur sólarhringum fyrir aðalfund.

22. gr.

Um starfsemi félagsins gilda skipulagsreglur Sjálfstæðisflokksins eftir því sem við á.

23. gr.

Lög þessi öðlast gildi að loknum aðalfundi félagsins árið 2008 og falla þá úr gildi eldri lög félagsins.