Lagabreytingar á aðalfundi

Fyrir aðalfundi lágu eftirfarandi lagabreytingar en þær voru allar samþykktar. Lög félagsins á vefnum verða uppfærð á næstu dögum.

Lagabreytingatillögur lagðar fyrir á aðalfundi Hugins 30. ágúst 2007

Breyting á 5. gr.

Lagt er til að fallið sé frá kröfu um skriflega umsókn til aðildar að félaginu. Þannig að greinin hljóði á þá leið ,,Umsókn um aðild að félaginu skal vera skrifleg og innihalda nafn, kennitölu og heimilisfang.....”

Einnig er lagt til að allir liðir greinarinnar sem kveða á um samþykki stjórnar til aðildar að félaginu skulu fjarlægðar.

Greinin hljóði þá á þá leið; ,,Umsókn um aðild að félaginu skal innihalda nafn, kennitölu og heimilisfang umsækjanda.”

Breyting á 6. gr.

Lagt er til að í stað 6 atkvæða þurfi 7 til að víkja félagsmanni úr félaginu.

Breyting á 7. gr.

Lagt er til að setningin ,,Málefni félagsins annast stjórn félagsins, miðstjórn og almennir fundir....” breytist á þá vegu að við bætist ,,Málefni félagsins annast stjórn félagsins, varastjórn, miðstjórn og almennir fundir....”

Breyting á 8. gr.

Að bætt sé við setningunni ,,Í varastjórn félagsins skulu sitja 9 menn.”

Breyting á 9. gr.

Lagt er til að bætt verði við varastjórn í greinina.

Greinin verði þá sem segir; ,,Stjórn og varastjórn skal kosin á aðalfundi félagsins til eins árs í senn. Formaður....”

Breyting á 13. gr.

Að greinin breytist á þá vegu að hún verði sem segir ,,Innan félagsins skal starfa varastjórn og miðstjórn. Stjórn félagsins og varastjórn er sjálfkjörin í miðstjórn. Stjórn félagsins skal skipa a.m.k. 9 félagsmenn í miðstjórn til viðbótar við hina sjálfkjörnu stjórnarmeðlimi. Ekkert hámark skal vera á fjölda miðstjórnarmanna.
Formaður Hugins er formaður miðstjórnar.

Breyting á 16. gr.

Lagt er til að aðalfund félagsins megi ekki halda síðar en 1. október í stað 1. nóvember.

Breyting á 17. gr.

Lagt er til að lágmark 50 félagsmenn þurfi að krefjast þess í bréfi að fundur sé haldinn.

Breyting á 23. gr.

Að tilgreint sé að eftir lagabreytingatillögur taki lögin gildi á aðalfundi félagsins árið 2007