Ókeypis í stæði fyrir visthæfa bíla

Mbl.is: Frá og með deginum í dag er ókeypis í bílastæði í

Reykjavík fyrir svonefndar visthæfar bifreiðar í 90 mínútur í senn.

Sérstök bílastæðaskífa mun fylgja visthæfum, bílum, en slíkir bílar eru

sparneytnir á eldsneyti og hafa minni útblástur koltvísýrings en aðrir

bílar.

Bílgreinasambandið hefur tekið saman

lista yfir um það bil 20 gerðir af bifreiðum sem falla undir

skilgreiningu Reykjavíkurborgar á visthæfum bifreiðum. Þessar bifreiðar

standast ákveðnar kröfur um útstreymi koltvísýrings og

eldsneytisnotkun. Þessar kröfur er m.a. þær, ef um bensínbíla er að

ræða, að eyðsla í blönduðum akstri sé 5 lítrar eða minna á 100 km og

CO2 útblástur sé að hámarki 120 g/km. Ef um dísilbíla er að ræða er

miðað við að eyðsla í blönduðum akstri sé 4,5 lítrar á 100 km eða minna

og CO2 útblástur sé að hámarki 120 g/km.

Þá er

miðað við að tvíorkubílar, sem nota t.d. metan/bensín eða etanól/bensín

eyði ekki yfir 5 lítrum á 100 km í blönduðum akstri og að CO2 útblástur

að hámarki 120 g/km.