CIA greinir frá ólöglegum aðgerðum sínum

Rúv.is: Bandaríska leyniþjónustan CIA hefur aflétt leynd af hundruðum skýrslna
um ólöglegar aðgerðir m.a. njósnir innan Bandaríkjanna, mannarán og
aðgerðir gegn vinstrisinnum frá árunum 1950 til 1970.

Leyniskjölin
verða sett á Netið þar sem hver og einn getur skoðað þau. Þar eru m.a.
skýrslur frá tveggja áratuga tímabili um innbrot, þjófnaði og eftirlit
með bandarískum stúdentum og hleranir á símtölum bandarískra
blaðamanna.. Hvernig leyniþjónustan opnaði einkabréf sem send voru til
og frá Bandaríkjunum og Kína og Sovétríkjunum. Þá eru frásagnir af
tilraunum sem CIA gerði á bandarískum borgurum án þeirra vitundar.

Michael
Hayden, forstjóri CIA, segir að leynd verði nú aflétt af 147 skýrslum,
11.000 blaðsíðum um stjórnmálaástand og innanríkismál í Sovétríkjunum
og Kína og hernaðaráætlanir Warsjárbandalagsins og hundruð síðna um
njósnir CIA á árunum 1953 til 1973. Þetta sé gert til þess að sýna
bandarísku þjóðinni hvað leyniþjónustan hafi gert í hennar nafni.
Leyniskýrslurnar eru hluti úttektar um umbætur á CIA sem ráðist var í
eftir að upp komst árið1973 um ólöglega starfsemi CIA í kjölfar
Watergetehneykslisins sem leiddi til afsagnar Nixons Bandaríkjaforseta.

Til
þessa hafa nokkrir tugir blaðsíðana CIA skýrslna verið gerðir opinberar
og hafa vakið mikið fjaðrafok í Bandaríkjunum. Þetta er í fyrsta sinn
sem bandaríska leyniþjónustan CIA sjálfviljug afléttir leynd af skjölum
um ólöglega starfsemi sína.