Arabaríkin fordæma ástandið á Gaza

Rúv.is: Leiðtogar Arababandalagsríkjanna hafa fordæmt ástandið á Gaza og lofa
stuðningi við Mahmoud Abbas. Þeir hvetja deiluaðila til að semja frið.
Þetta kom fram í Kaíró í Egyptalandi í dag.

Hamas liðar hafa nú töglin og hagldirnar á Gaza, hlé hefur verið á bardögum sem kostað hafa rúmlega 100 manns lífið.

Abbas,
skipaði í gær Salam Fayyad, fyrrverandi fjármálaráðherra palestínsku
heimastjórnarinnar, í embætti forsætisráðherra nýrrar neyðarstjórnar,
sem taka á við af samsteypustjórninni sem var sett af í fyrradag en
Hamas-samtökin viðurkenna ekki hina nýju stjórn.

Leiðtogi Hamas
samtakanna, Ismail Haniyeh, segir útilokað að stofna sjálfstætt
palestínskt ríki á Gaza svæðinu eftir að samtökin tóku völdin á Gaza.
Þetta sagði Hniyeh í samtali við franska blaðið Le Figaro. Jafnframt
sagði Haniyeh að Gaza tilheyrði öllum Palestínumönnum, ekki bara Hamas.