Íbúðalánasjóður ekki einkavæddur

Rúv.is:  Jóhanna Sigurðardóttir félagsmálaráðherra útilokar einkavæðingu
Íbúðalánasjóðs og segir ekkert ákveðið um flutning sjóðsins til
fjármálaráðuneytisins.

Þetta kom fram á Alþingi í dag í umræðum
utan dagskrár sem Guðni Ágústsson formaður Framsóknarflokksins óskaði
eftir. Hann sagðist vilja létta óvissu um framtíð Íbúðalánasjóðs og
vitnaði í hugmyndir sem hafa verið meðal stjórnarflokkanna að færa
forræði sjóðsins úr félagsmálaráðuneyti í fjármálaráðuneyti þegar
verkefni verða flutt til innan stjórnarráðsins með haustinu.