Fordæma eldflaugatilraunir N-Kóreumanna

Mbl.is: Bandaríkjastjórn fordæmdi í dag að Norður-Kóreumenn
hafi skotið nokkrum skammdrægum eldflaugum undan vesturströnd N-Kóreu í
morgun. Talsmaður þjóðaröryggisráðs Bandaríkjanna, Gordon Johndroe,
staðfesti við fjölmiðla að Bandaríkjastjórn væri kunnugt um að
Norður-Kóreumenn hefðu skotið skammdrægum eldflaugum fyrr í morgun.

Segir
Johndroe að þetta sé ekki í samræmi við samkomulag sem var undirritað í
febrúar þar sem N-Kóreustjórn samþykkti að loka helstu
kjarnorkumannvirkjum sínum innan tveggja mánaða í skiptum fyrir
eldsneyti.

Stjórn Norður-Kóreu neitaði því hins
vegar að framfylgja samkomulaginu fyrr en þeir fjármunir, 25 milljónir
dala, sem voru frystir í Macau-bankanum árið 2005 komist í hendur
N-Kóreumanna.