Reykingabann á skemmtistöðum

Mbl.is: Kormákur Geirharðsson veitingamaður segir algerlega
óljóst hvort og hvernig verði hægt að framfylgja ákvæðum breyttra
tóbaksvarnarlaga, sem kveða á um bann við reykingum „innanhúss í
þjónusturými stofnana, fyrirtækja og félagasamtaka, svo sem á veitinga-
og skemmtistöðum og þar sem menningar- og félagsstarfsemi fer fram.“

Kormákur
segir að í Skotlandi hafi raunin orðið sú, að reykingabanni sem þessu
hafi fylgt samdráttur í tekjum veitinga- og skemmtistaða, og hafi það
leitt til þess að starfsfólki hafi verið sagt upp. Jafnvel geti svo
farið að tekjumissir leiði til þess að skemmtistaðir leggi upp laupana.