Aung San Suu Kyi áfram í haldi

Rúv.is: Herforingjastjórnin í Mjanmar, áður Búrma, ákvað í morgun að framlengja
stofufangelsisvist stjórnarandstöðuleiðtogans Aung San Suu Kyi um eitt
ár til viðbótar en hún átti að losna úr stofufangelsi um helgina. Su
Kyi sem hlaut friðarverðlaun Nóbels árið 1991 hefur stóran hluta
síðustu 17 ára verið í stofufangelsi vegna baráttu sinnar fyrir lýðræði
í Mjanmar. Fulltrúi mannréttindastofnunar Sameinuðu þjóðanna fordæmdi í
dag ákvörðun herstjórnarinnar í Mjanmar og sagði meðferð hennar á Su
Kyi ómannúðlega. Hann hvatti stjórnina til að endurskoða ákvörðun sína
og sagði hana stríða gegn yfirlýsingum herforingja um áformaða
endurreisn lýðræðis i landinu.