Utanríkisráðherra vill breyta EES lögum

Rúv.is: Ingibjörg Sólrún Gísladóttir, utanríkisráðherra, kynnti á
ríkisstjórnarfundi í morgun frumvarp til laga um breytingu á lögum um
Evrópska efnahagssvæðið.

Í frumvarpinu felst lögfesting á samningi
um stækkun Evrópska efnahagssvæðisins til Búlgaríu og Rúmeníu sem
skrifað var undir í lok mars. Samkvæmt samningnum hækka árlegar
greiðslur Íslands í þróunarsjóð EFTA um 130 miljónir króna. Á móti
kemur tollkvóti fyrir íslenskar sjávarafurðir á markað í
Evrópusambandinu.