Pútín afboðar viðtal vegna mynda frá Tétsníu

Mbl.is: Vladimír Pútín Rússlandsforseti afboðaði viðtal við
austurríska ríkissjónvarpið, ORF, eftir að stöðin neitaði að hætta
sýningum á kynningu þar sem m.a. voru myndir frá átökum í Tétsníu, að
því er ÓRF greindi frá í dag. Pútín er væntanlegur í opinbera heimsókn
til Austurríkis á miðvikudaginn.

Fréttastjóri
ORF, Elmar Oberhauser, sagði í yfirlýsingu í dag að ekki hefði komið
til greina að láta undan þessum óduldu tilraunum til að hefta frelsi
stöðvarinnar. Væri stöðin reiðubúin að taka afleiðingum þess að fá ekki
fyrirhugað viðtal við Pútín.

Rússar hefðu komið
þeim boðum til skila eftir diplómatískum leiðum að viðtalið hefði verið
afboðað vegna „óvinsamlegs fréttaflutnings ORF í aðdraganda opinberrar
heimsóknar“ Pútíns.