Kasakstan: Forsetinn getur ríkt fyrir lífstíð

Rúv.is: Þing Kasakstan samþykkti í morgun að Nurstultan Nazarbayev, forseti
landsins, geti boðið sig fram til endurkjörs eins oft og hann kærir sig
um og því verið forseti til lífstíðar. Stjórnarandstæðingar gagnrýna
þessa samþykkt og segja hana skref aftur á bak.

Nazarbayev, sem
er 66 ára, hefur haldið um stjórnartaumana í Kasakstan síðan 1989 og
kosningar í landinu hafa ekki þótt til fyrirmyndar að mati vestrænna
ríkja. Þingið samþykkti einnig tillögu forseta um að stytta kjörtímabil
forseta úr sjö árum í fimm en núverandi kjörtímabili lýkur ekki fyrr en
2012. Einn stjórnarandstæðingur á sæti á þinginu í Kasakstan. Allir
hinir eru menn forsetans.