Settust að á skrifstofu Jafnaðarmannaflokksins

Mbl.is: Um tveir tugir ungmenna komu sér í dag fyrir í aðalskrifstofu danska Jafnaðarmannaflokksins við Danasvej í Kaupmannahöfn. Segja ungmennin, að þau muni ekki yfirgefa skrifstofurnar af fúsum og frjálsum vilja fyrr en Ungdomshuset, sem lögreglan rýmdi í gær, verði skilað aftur.

Helle Thorning-Schmidt, formaður Jafnaðarmannaflokksins, íhugar að biðja lögreglu að fjarlægja ungmennin. Hún segist hafa beðið fólkið að yfirgefa húsnæðið og nú bíði hún átekta.