Utanríkisráðherra í S-Afríku

26. febrúar 2007

Rúv.is: Valgerður Sverrisdóttir utanríkisráðherra setti í morgun viðskiptaráðstefnu íslenskra og suðurafrískra fyrirtækja í Pretóríu. Ráðherrann opnar í kvöld formlega sendiráð Íslands í Suður-Afríku.

Utanríkisráðherra kom til S-Afríku í gær frá Úganda á ferð sinni til nokkurra Afríkuríkja. Níu íslensk fyrirtæki tóku þátt í viðskiptaráðstefnunni í morgun sem Útflutningsráð Íslands skipulagði og auk ráðherrans töluðu Jón Ásbergsson, framkvæmdastjóri Útflutningsráðs, og dr. Sigríður Dúna Kristmundsdóttir sendiherra. Meðal þátttakenda í ráðstefnunni er Landsvirkjun sem komin er í útrásarhug og á í bæði í viðræðum við Alcoa sem er að hefja byggingu álvers í Port Elisabeth og Eskom sem er systurfyrirtæki Landsvirkjunar og stjórnar og rekur rafmangsmarkaðinn í Suður-Afríku og í öðrum ríkjum sunnanverðrar Afríku.

Í kvöld opnar utanríkisráðherra formlega sendiráð Íslands í Suður-Afríku.