Rúm 60% vilja að RÚV verði hlutafélag í ríkiseigu

Mbl.is: Rúm 60% landsmanna eru fylgjandi því að
Ríkisútvarpinu verði breytt í hlutafélag í ríkiseigu, samkvæmt
niðurstöðum nýlegrar könnunar Gallup. Þar kemur einnig fram að tæp 90%
hafa jákvæða afstöðu til RÚV, og tæp 70% telja það mikilvægasta
fjölmiðil þjóðarinnar.

Í niðurstöðunum
könnunarinnar kemur einnig fram, að mikill meirihluti landsmanna er
fylgjandi auglýsingum og kostunum í ríkismiðlunum og eru almennt
ánægðir með dagskrá þeirra. Þá telja flestir að fréttaflutningur sé
mikilvægasta hlutverk RÚV, og er það sá miðill sem landsmenn leita
helst til eftir fréttum og fréttatengdu efni.