Chavez heimsækir Hvíta Rússland

Hugo Chavez, forseti Venesúela, kom til Hvíta-Rússlands í dag og hóf þar með röð opinberra heimsókna til sex ríkja. Chavez flaug til höfuðborgarinnar Minsk og ræðir við Alexander Lúkasjénkó á morgun. Sagðist Chavez sjá í Hvíta Rússlandi það fyrirmyndarríki sem verið væri að skapa í Venesúela. Lúkasjénkó sem verið hefur við völd frá árinu 1994 er fyrrum stjórnandi samyrkjubús og er aðdáandi hinna fyrrum Sovétríkja.

Lúkasjénkó hefur verið harðlega gagnrýndur fyrir stjórnarhætti sína og er víða kallaður síðasti einræðisherra Evrópu. Chavez,er nýkominn frá Mercosur ráðstefnunni þar sem hann hélt m.a. ræður með Fidel Castro, forseta Kúbu.

Upphaflega stóð til að Chavez heimækti einnig N-Kóreu, en við það var hætt fyrir ferðina.


frétt af www.mbl.is