Heldur vinstribylgjan áfram í rómönsku Ameríku?

Mikil spenna er í kosningum sem nú standa yfir í Mexíkó en afar mjótt er á mununum með þeim Andres Manuel Lopez Obradors í Lýðræðislega byltingarflokknum og Felipe Calderon í Þjóðarframtaksflokknum samkvæmt skoðanakönnunum. Kjörstaðir voru opnaðir kl. 13 að íslenskum tíma og verður lokað kl. 1 eftir miðnætti. Búist er við að þremur tímum síðan liggi fyrir hver verði næsti forseti landsins. Auk forsetakosninga er einnig verið að kjósa um þingsæti, þrjú ríkisstjóraembætti og borgarstjóraembættið í höfuðborginni Mexíkóborg. Alls eru um 71 milljón manna á kjörskrá.

Þriðji frambjóðandinn, Roberto Madrazo í Byltingarflokknum, nýtur ekki eins mikils fylgis. Obrador er vinstrisinnaður og fyrrum borgarstjóri Mexíkóborgar en Calderon íhaldsmaður og fyrrum orkumálaráðherra landsins. Ef Obrador sigrar í kosningunum verður Mexíkó enn eitt ríkið í rómönsku Ameríku þar sem vinstri menn fara með völdin. Ekki er þó víst að svo fari að nágrannaríki Bandaríkjanna verði undir stjórn vinstrimanns en í fyrsta skipti mega Mexíkóar í Bandaríkjunum taka þátt í kosningunum í Mexíkó.

Frétt birtist fyrst á www.mbl.is